Þökkum komuna á Vísindavöku

Á laugardaginn var Vísindavaka Rannís haldin með pompi og prakt.

Systurstofnanirnar Náttúruminjasafn Íslands og Náttúrufræðistofnun Íslands sameinuðu krafta sína ásamt Biodice í stórum og veglegum bási þar sem kenndi margra grasa.

Aðaláherslan þetta árið var á líffræðilega fjölbreytni í sinni smæstu og stærstu mynd og fengu áhugasamir og upprennandi gestir Vísindavökunnar meðal annars að kynnast grösum og fléttum í litla móanum okkar og víðsjám.

Við þökkum öllum sem heimsóttu okkur kærlega fyrir komuna og sjáumst aftur að ári!

Þóra fræðir gesti um plöntur í litlu móspildunni okkar