Náttúruminjasafn Íslands

dsc_0090.800px

Skrifstofur Náttúruminjasafns Íslands í gömlu Loftskeytastöðinni á Melunum, Brynjólfsgötu 5.

Náttúruminjasafn Íslands er eign íslenska ríkisins, höfuðsafn á sviði náttúrufræða og heyrir undir mennta- og menningarmálaráðuneytið. Menntamálaráðherra fer með yfirstjórn stofnunarinnar.

Náttúruminjasafnið var stofnsett með lögum árið 2007 en rætur stofnunarinnar má rekja aftur a.m.k. til ársins 1889 þegar Hið íslenska náttúrufræðifélag var stofnað. Eitt meginmarkmið félagsins frá upphafi hefur verið að koma upp náttúrufræðisafni í höfuðborginni sem gagnist landi og þjóð.

Hlutverk Náttúruminjasafns Íslands eru skilgreind í lögum um Náttúruminjasafn Íslands nr. 35/2007 og Safnalögum nr. 141/2011. Náttúruminjasafnið er fræðslu- og vísindastofnun sem er ætlað að gegna miðlægu hlutverki við miðlun þekkingar og upplýsinga um náttúrufræðileg efni og vera ráðgefandi gagnvart öðrum söfnum landsins sem sýsla með náttúruna. Stofnunin byggir starfsemi sína á rannsóknum og gagnaöflun á eigin vegum og í samstarfi við aðra, miðlun þekkingar og upplýsinga með staf- og rafrænni útgáfu, ráðgjöf, fyrirlestrum og sýningahaldi.

Náttúruminjasafnið hefur aðsetur í Gömlu Loftskeytastöðinni á Melunum, Brynjólfsgötu 5, 107 Reykjavík. Þar eru skrifstofur stofnunarinnar. Fyrstu húsakynni
safnsins voru að Túngötu 14, 101 Reykajvík, en vorið 2010 flutti safnið í Loftskeytastöðina.

Starfsmenn Náttúruminjasafnsins eru tveir. Dr. Hilmar J. Malmquist var skipaður forstöðumaður til fimm ára frá og með 1. september 2013. Hrefna Berglind Ingólfsdóttir gegndi starfi ritstjóra Náttúrufræðingsins á tímabilinu 1. febrúar til 31. ágúst 2014 en þann 1. nóvember 2014 tók Álfheiður Ingadóttir við ritstjórastarfinuNáttúrufræðingurinn er alþýðlegt tímarit um náttúrufræðileg efni sem Hið íslenska náttúrufræðifélag hefur lengst af gefið út, eða samfellt siðan 1931, en frá og með 84. árgangi stendur Náttúruminjasafnið að útgáfunni með félaginu.