Nýr meistaranemi Náttúruminjasafns Íslands og Háskólans á Hólum
Þóra Atladóttir hóf vinnu við meistaraverkefni sitt sem fjallar um líffræðilegan fjölbreytileika og dýrasvif í ferskvatni á Íslandi nú á haustmánuðum. Fjallar verkefnið einkum um tegundasamfélög og þá ferla sem liggja að baki myndun þessara samfélaga. Verkefnið vinnur hún við Háskólann á Hólum og Náttúruminjasafn Íslands og eru leiðbeinendur Skúli Skúlason og Ragnhildur Guðmundsdóttir. Þóra kláraði BSc nám í náttúru- og umhverfisfræðum frá Landbúnaðarháskólanum á Hvanneyri síðastliðið vor þar sem hún gerði lokaverkefni um dægurflugur (Ephemeroptera) en hægt er að kynna sér það verkefni á Skemmunni
![thora_atla_minni](https://nmsi.is/wp-content/uploads/2022/01/thora_atla_minni-1.jpg)
Þóra Atladóttir, mastersnemi Náttúruminjasafns Íslands og Háskólans á Hólum.
![Copepods_DSC0631](https://nmsi.is/wp-content/uploads/2022/01/Copepods_DSC0631.jpeg)
Dýrasvif samanstendur meðal annars af krabbaflóm. Mynd: Wim Van Egmond.