Safnkostur

Náttúruminjasafn Íslands varðveitir og safnar munum sem tengjast náttúru Íslands og hentar starfsemi þess. Munirnir eru skráðir, rannsakaðir og varðveittir samkvæmt lögum um Náttúruminjasafn Íslands nr. 35/2007 og safnalögum nr. 141/2011. 

Safnkostur Náttúruminjasafnsins telur nú um 40.000 muni en þar á meðal eru frum- og síðsteindir, plöntur og dýr, bækur, málverk, teikningar, steingervingar og ýmislegt fleira. Hluti safnkostsins er nú þegar skráður í Sarp en Sarpur er gagnagrunnur sem ætlað er að halda utan um safnmuni höfuðsafna og viðurkenndra safna á Íslandi. Sarpur er aðgengilegur almenningi á sarpur.is. 

Náttúruminjasafninu berast reglulega gjafir ýmis konar en höfuðáhersla hefur verið sett á að taka á móti munum til varðveislu sem hafa gildi fyrir miðlun og henta fyrir fræðslu til skólahópa, fyrir viðburðarhald eða sýningar. Fyrirspurnir varðandi gjafir og útlán er hægt að senda á netfangið thora.b.andresdottir@nmsi.is  en matsnefnd safnsins fer yfir allar fyrirspurnir. 

Hér má sjá brot úr safnkosti Náttúruminjasafnsins.

Með því að smella á myndirnar má fá frekari upplýsingar og fróðleik.