Heimsókn forsetahjónanna í Náttúruhús í Nesi
Guðni Th. Jóhannesson, forseti Íslands og Eliza Reid, forsetafrú, heimsóttu framtíðar höfuðstöðvar Náttúruminjasafns Íslands í Náttúruhúsi í Nesi í síðustu viku. Tilefnið var 50 ára kaupstaðarafmæli Seltjarnarnesbæjar þann 9. apríl síðastliðinn.
Hilmar J. Malmquist, forstöðumaður safnsins, tók á móti forsetahjónunum og föruneyti þeirra og sagði frá fyrirhuguðum framkvæmdum við húsið og sýningargerðinni sem nú er í fullum gangi. Jafnframt fylgdu Ragnhildur Guðmundsdóttir, líffræðingur og Snæbjörn Guðmundsson, jarðfræðingur forsetahjónunum út í Gróttu og ræddu jarðfræði Seltjarnarness og lífríkið í fjörunni en það er einmitt hluti af efnistökum nýju grunnsýningar safnsins sem mun hverfast um hafið og lífríki þess, með áherslu á framtíðina, mikilvægi líffræðilegrar fjölbreytni og áhrif loftslagsbreytinga.
Við þökkum forsetahjónunum kærlega fyrir komuna og óskum Seltjarnarnesbæ innilega til hamingju með kaupstaðarafmælið.
Ljósmyndir: Silla Páls fyrir Seltjarnarnesbæ
![1-185](https://nmsi.is/wp-content/uploads/2024/04/1-185.jpg)
Hilmar J. Malmquist tók á móti forseta Íslands
![1-187](https://nmsi.is/wp-content/uploads/2024/04/1-187.jpg)
Forsetahjónin skoðuðu aðal sýningarsal Náttúruhússins þar sem beinagreind íslandssléttbaks mun hanga uppi. Frá vinstri, Þór Sigurgeirsson, bæjarstjóri, Eliza Reid, forsetafrú, Guðni Th. Jóhannesson, forseti Íslands og Hilmar J. Malmquist, forstöðumaður.
![1-138](https://nmsi.is/wp-content/uploads/2024/04/1-138.jpg)
Snæbjörn Guðmundsson, jarðfræðingur segir forsetahjónunum frá áhugaverðri jarðfræði Seltjarnarness