Vorperla

Plantan er smávaxin stundum ekki nema 3 cm á hæð en getur orðið allt að 20 cm. Útbreiðsla hennar er á Norðurlandi og Fljótsdalshéraði en annars staðar á landinu er hún sjaldgæf. Vorperla vex á melkollum en einnig í stígum eftir húsdýr og í vegköntum. Talið er að fræin dreifist með fótum kinda, hrossa og manna því að plantan hefur fellt fræ þegar mest umferð dýra og gangandi vegfarenda er um stíga og vegaslóða.