Náttúruminjasafn Íslands tekur á móti skólahópum á sýningunni Vatnið í náttúru Íslands á 2. hæð Perlunnar
Markmið safnfræðslu Náttúruminjasafns Íslands er að styðja við náttúrufræðikennslu á öllum skólastigum á skapandi og hvetjandi hátt og kynna fyrir nemendum spennandi heim náttúruvísindanna. Jafnframt er lögð áhersla á að vekja nemendur til umhugsunar um umhverfi sitt og órjúfanleg tengsl mannsins og náttúrunnar.
Tekið er á móti skólahópum á sýningu safnsins, Vatnið í náttúru Íslands á 2. hæð Perlunnar. Sýningin er nútímaleg og fjölbreytt og býður upp á margvísleg viðfangsefni í náttúrufræðum. Fræðsla er ókeypis fyrir skólahópa, aðlöguð að hverju skólastigi og tekur mið af aðalnámskrá.
Bókið heimsóknir hér
BÓKANIR
Fræðsluleiðir
Aðgengi
Sýningin Vatnið í náttúru Íslands er staðsett á 2. hæð Perlunnar. Gengið er inn um hringhurð og síðan er gengið upp stiga á 2. hæð en í húsinu er einnig lyfta sem hægt er að nota.
Perlan er staðsett í Öskjuhlíðinni og eftirfarandi strætóleiðir stoppa í nágreninu:
- Leið 18 stoppar á Bústaðavegi
- Leið 13 stoppar við Litluhlíð
- Leiðir 5 og 8 stoppa á Nauthólsvegi.
- Leiðir 1, 4 og 55 stoppa við Kringlumýrarbraut
Hér er hlekkur á heimasíðu Strætó þar sem hægt er að skipuleggja ferðalagið.
Það eru gjaldfrjáls bílastæði við Perluna, þar á meðal eitt bílastæði fyrir hreyfihamlaða.
Það eru kynjaskipt salerni á 4. hæð Perlunnar og einnig í kjallara (hæð -1) þar sem má líka finna salerni hannað fyrir hreyfihamlaða.
Það er ekki nestisaðstaða á safninu en á 5. hæð Perlunnar er veitingastaður og kaffihús.
Á sýningunni eru engir þröskuldar og gott rými fyrir hjólastóla. Það eru stólar á 5 stöðum þar sem hægt er að fá sér sæti.
Það er nokkuð áreiti inni í Perlunni, ýmis reglubundin hljóð, t.d. tónlist, dýrahljóð og skipsflauta, og oft margt um manninn. Gosbrunnur fer í gang á 15 mínútna fresti með tilheyrandi látum.
Á sýningunni eru snagar til að hengja af sér og í kjallara Perlunnar eru skápar sem hægt er að læsa.